DASHI
Humori juaj do jetë i zi gjatë kësaj dite dhe nuk do arrini dot ta përmbani veten sado të mundoheni. Nëse keni një lidhje nuk do ndiheni shumë mirë dhe atmosfera në çift nuk do jetë mjaftueshëm e ngrohtë. Në çdo moment bëni kujdes me ato që do i thoni partnerit. Ju beqarët do kaloni një ditë harmonike e plot ngjyra. Ka mundësi që të takoni edhe dikëë të veçantë, dhe kjo do varet nga ju. Në punë dielli do ju bëjë më kokëfortë dhe nuk do pranoni të toleroni asnjë moment. Në fakt ky do jetë një gabim me shumë pasoja për të ardhmen tuaj. Në planin financiar mendohuni mirë para se të bëni çfarëdo lloj veprimi sepse secili prej tyre do ndikoje tek e ardhmja. Shëndeti është i mirë, por përpiquni të kaloni kohë duke u kujdesur për mendjen dhe shpirtin tuaj.
DEMI
Marsi nuk do ndikojë pozitivisht në jetën tuaj gjatë kësaj dite dhe ndonjëherë do ndiheni të shpërqendruar pa situr në cilin drejtim të ikni. Për ju që jeni në një lidhje më në fund do të mbarojë edhe rutina e jetës suaj. Do hyni në veprim dhe ambienti do ngrohet akoma më tepër. Ju beqarët do pëlqeni jashtë mase dikëë. Bëni atë që iu thotë zemra pa menduar për të tjerët. Në fund të fundit është jeta juaj. Në punë nuk do ndaleni për asnjë çast dhe do doni t’iu tregoni të gjithëve sesa të aftë jeni. Askush nuk do mundet t’iu konkurrojë dhe do jeni të pazëvëndësueshëm në sektorin tuaj. Edhe pse e dini që nuk është mirë të shpenzoni pa masë nuk do i vini dot fre vetes suaj. Sipas Horoskopit vip, ka mundësi të përballeni me vështirësi. Shëndeti është i mirë, por përpiquni të balanconi aktivitetin fizik me momente relaksi.
BINJAKËT
Situatat do vijnë aq mirë gjatë kësaj dite sa do ju kënaqin pafundësisht. Nëse keni një lidhje të gjithë planetët do jenë në anën tuaj. Klima do jetë mjaft romantike dhe pasioni do të shtohet më tepër. Shfrytëzojeni sa të mundni ditën. Ju zemrat e vetmuara me shumë gjasa do gjeni shpirtin tuaj binjak. Lëreni veten të lire që të përjetoni emocione më të forta. Në punë, përvoja juaj do jetë një virtyt i çmuar që do ju ndihmojë të zgjidhni çdo problem. Pas mesdite do filloni të merrni frytet e mundit që keni shpenzuar. Më në fund edhe në planin financiar do vendoset ekuilibri. Mos shpenzoni shumë që të ruani atë sa më gjatë. Shëndeti është i mirë, por mos neglizhoni pushimin.
GAFORRJA
Gjatë kësaj dite mund të ketë edhe momente kur do ju ngrihen nervat, por do qetësoheni shpejt dhe do ecni përpara. Për ju të dashuruarit, edhe pse pasioni nuk do jetë i madh, jeta juaj sentimentale në tërësi do shkojë më së miri. Askush nuk do arrijë dot ta prishë qetësinë që ekziston. Ju beqarët nuk do keni fat dhe do ngeleni sërish vetëm. Mos u mërzitni sepse shumë shpejt do vijë edhe dita juaj. Në planin profesional do favorizohet komunikimi dhe bashkëpunimi me kolegët kështu që edhe detyrat do i realizoni me mirë e më shpejt. Do ndiheni më të plotësuar tashmë. Bëni pak më shumë kursime sot nëse doni që mos keni probleme të mëdha financiare as nesër. Shëndeti është i mirë, por mos harroni të kujdeseni për trupin tuaj me disa aktivitete fizike.
LUANI
Gjatë kësaj dite duhet të bëni një bilanc për gjithçka që keni kaluar dhe për probleme që keni pasur. Në këtë mënyrë do e keni edhe më të lehtë të zgjidhni çdo gjë. Në jetën tuaj në çift do ketë përmirësime të ndjeshme. Klima do fillojë të ngrohet dalëngadalë dhe do ia kaloni më së miri me partnerin tuaj. Ju beqarët më në fund do ndiheni të plotësuar. Gjithsesi mos u ndikoni nga emocionet dhe mos bëni gjëra të pamenduara mirë. Në punë shefat do ju përgëzojnë për gjithçka keni arritur dhe do ju rritet pak mendja. Kujdes mos dilni nga realiteti sepse do keni probleme më vonë. Konfigurimi yjor tregon se edhe financat do shkojnë mirë. Kryeni transaksionet e duhura dhe menaxhojeni mirë buxhetin. Shëndeti kërkon vëmendje: shmangni teprimet dhe jepini vetes disa momente relaksi për të ruajtur ekuilibrin.
VIRGJËRESHA
Edhe pse në përgjithësi keni tendencë të kundërshtoni këdo dhe t’iu dalë e juaja, sot gjërat kanë për të qenë ndryshe. Yjet do ju bëjnë më të logjikshëm e më të duruar. Jeta juaj në çift do jetë e mbrojtur gjithë kohës. Do ia kaloni mirë dhe do përjetoni emocione të këndshme. Jeta sentimentale për ju beqarët do të influencohet nga Venusi. Do keni takime të papritura me persona që ia vlen t’i kesh pranë. Mos e humbni mundësinë për asnjë lloj arsyeje. Në punë nuk do ju pëlqejë të zbatoni plane, por do i bëni gjërat ashtu si do mendoni për momentin. Kjo gjë nuk do ju pëlqejë shefave sepse ata do kenë frikë se ju mund të prishni gjithçka. Tregojini atyre të kundërtën. Financat do jenë delikate. Mos shpenzoni asnjë lek më tepër sesa ua mban xhepi në mënyrë që mos bini në humnerë. Shëndeti juaj po përmirësohet, por përpiquni t'i kushtoni kohë edhe kujdesit për mendjen tuaj, ndoshta me ndonjë meditim ose aktivitete relaksuese.
PESHORJA
Mungesa e kthjelltësisë do ju bëjë të merrni vendime të gabuara gjatë kësaj dite për të cilat keni për t’u penduar shumë shpejt. Kujdes ju që keni një lidhje dhe i hidhni sytë sa andej këndej. Nëse ai që keni në krah e kupton këtë jo vetëm që do keni debate serioze, por mund të vijnë edhe ndarje. Ju beqarët duhet të tregoheni më realistë dhe t’i merrni gjërat si t’iu vijnë. Mos kërkoni me ngulm asgjë. Në punë do jeni shumë më kompetentë se më parë dhe do mbani përgjegjësi për çdo veprim të ndërmarrë. Mund të keni edhe një karakter disi më autoritar. Sipas Horoskopit vip, në planin financiar do iu jepen mundësi të mira për ta përmirësuar situatën dhe duhet t’i shfrytëzoni. Shëndeti është i mirë, por kujdes mos e teproni me shqetësimet.
AKREPI
Nuk do jetë nevoja të jepni shpjegime për çdo gjë gjatë kësaj dite, por bëni atë që mendoni dhe mendoni me pozitivizëm. Ju që jeni në një lidhje do kaloni një ditë më të bukur se më parë. Do jeni me humor të mirë dhe do e toleroni më tepër atë që keni në krah. Ju beqarët që kërkoni të krijoni familje, merrini gjërat shtruar. Gjatë kësaj dite do i keni mundësitë për të gjetur një person vërtet të këndshëm. Në punë kolegët do ju kenë gjithmonë frymëzim dhe pikë mbështetjeje. Do keni me të vërtetë aftësi për t’u adhuruar dhe nuk do lodheni asnjë moment. Po vazhduat kështu keni për të arritur shpejt shumë lart. Jupiteri do ua mbrojë financat dhe do tregoheni të kursyer me shpenzimet. Shëndeti është i shkëlqyer, por përpiquni të mos neglizhoni ekuilibrin e brendshëm.
SHIGJETARI
Gjatë kësaj dite nuk do ketë asnjë lloj rreziku për mungesë ekuilibri. Të gjithë do ju pyesin se çfarë do bëni dhe kjo do ju shpërqendrojë akoma më shumë. Nëse jeni në një lidhje do i rrëzoni të gjitha tabutë dhe do bëni gjithçka që ndjeni pa menduar për atë që do thonë të tjerët. Edhe pse këtë duhet ta kishit bërë prej kohësh nuk është ende vonë. Ju beqarët nga ana tjetër do filloni aventura të ndërlikuara të cilat nuk do iu çojnë askund. Në punë vazhdimësia juaj do varët plotësisht nga mënyra sesi do veproni dhe nga sjellja e kohëve të fundit. Mos shpresoni që gjithçka të rregullohet si me magji, por duhet të bëni vetë përpjekje të mjaftueshme. Mundohuni të stabilizoni buxhetin duke bërë një riorganizim të të ardhurave dhe duke ulur shpenzimet. Shëndeti kërkon vëmendje: jepini vetes momente relaksi për të rimbushur energjinë tuaj.
BRICJAPI
Falë ndikimit të madh të planetëve sot do e dëgjoni më shumë zërin tuaj të brendshëm dhe gjërat do ju ecin më së miri. Nën influencën e Mërkurit gjithçka do shkojë mirë për ju të dashuruarit. Ai do tregohet tolerant dhe do iu kuptojë për gjithçka që do keni nevojë. Ju beqarët ka shumë gjasa të njihni më në fund personin që keni ëndërruar prej kohësh. Mos e humbni rastin sepse nuk do ju vijë më një i tillë. Në punë nuk do jeni shumë të organizuar dhe herë pas here do ju dalin të papritura të pakëndshme. Ndryshoni sa pa qenë ende vonë. Buxheti do të përmirësohet ndjeshëm, megjithatë kujtohuni gjithmonë se paraja nuk sjell gjithmonë lumturinë. Shëndeti është i mirë, por mos e lini pas dore pushimin.
UJORI
Pritet që gjatë kësaj dite të keni ide shumë të mira dhe do arrini të sqaroni edhe disa çështje të mbetura pezull prej kohësh. Ju të dashuruarit, në momentet kur jeni me partnerin lërini prapa problemet familjare sepse vetëm kështu do kaloni çaste të këndshme me të. Ju beqarët do përjetoni emocione të shumta falë një takimi impresionues. Nëse ndiheni mirë me të që në takimin e parë, mos e lini t’iu ikë nga duart. Në punë do bëni mirë të ndiqni intuitën dhe nuk keni për t’u zhgënjyer kurrë. Mund të ndryshoni edhe drejtimin për të pasur suksese më të mëdha. Në planin financiar do iu duhet të merrni vendime të rëndësishme. Tregohuni të matur dhe do dilni të fituar. Shëndeti juaj është i mirë, por shmangni teprimet në tavolinë: jepini vetes pak kënaqësi pa e ekzagjeruar.
PESHQIT
Gjatë kësaj dite do jeni më gati për të ndryshuar disa zakone të vjetra në mënyrë që jeta juaj të zbukurohet me tepër. Ju të dashuruarit, sot me shumë se kurrë do iu kushtoni rëndësi edhe ndjenjave të partnerit tuaj. Do reshtni së menduari vetëm për vete. Do kujdeseni gjithashtu që ai të ndihet mirë dhe do ia shprehni ndjenjat. Ju beqarët duhet të bëni kujdes të mos filloni menjëherë një lidhje. Njihuni më parë me personin që do takoni dhe mësoni edhe ndonjë të metë të tij. Në punë, Mërkuri dhe Jupiteri do ju shtojë dëshirën për ta zgjeruar fushën e veprimit. Pavarësia që iu është dhënë së fundmi do jetë shumë e vlefshme. Financat do jenë të mira, madje mund të ketë edhe ndonjë përmirësim të papritur. Për sa i përket shëndetit, bëni kujdes të mos e teproni me aktivitetin fizik. Energjia juaj është e lartë, por mos harroni të dëgjoni trupin tuaj.
© Të gjitha të drejtat e rezervuara
Post a Comment