DASHI
Mëngjesi do jetë i qetë sot, mesdita disi më e zhurmshme dhe mbrëmja e kënaqshme. Ju të dashuruarit mund të keni kundërshtime për gjëra të vogla, por asgjë alarmuese. Nëse keni gjëra të paqarta flisni hapur dhe mos mbani gjëra përbrenda. Nëse jeni Beqarë, shikoni jetën në një mënyrë pozitive: braktisni melankolinë e së shkuarës dhe filloni të fokusoheni te e ardhmja, me optimizëm. Ky qëndrim do t'ju bëjë të shfrytëzoni mundësi të reja. Do arrini të përmbushni të gjitha pritshmëritë, dhe përkushtimi juaj do të shpërblehet me rezultate prestigjioze. Shëndeti është i mirë, por mos lini pas dore ushtrimet. Në punë do jeni shumë profesionistë dhe nuk do bini pre e ndonjë intrige të kolegëve. Do i përmbushni me përpikmëri të gjitha ato që iu janë kërkuar. Financat nuk do jenë të këqija, por mos i shlyeni sot borxhet. Prisni edhe pak sa të vijë një moment më i mirë.
DEMI
Sot do mungojë alegria në jetën tuaj dhe në shumë momente do ndiheni të mërzitur. Mund të kapeni me disa gjëra të vogla me ata që ju rrethojnë dhe do këmbëngulni se keni të drejtë. Për ju të dashuruarit do ketë vështirësi të vogla, por asgjë për t’u alarmuar. Çdo gjë duhet marrë sa më shtruar që të jetë e mundur. Sipas Horoskopit vip, Për ju Beqarët, mund të jetë një ditë më pak pozitive për humorin tuaj: një ndjenjë melankolie për faktin se nuk po merrni atë që dëshironi. Sidoqoftë, mbani mend se jeni miq besnikë, edhe nëse ndonjëherë e teproni në kritikat tuaja, padyshim gjithmonë me qëllimin për të bërë mirë. Mundohuni të mos jeni shumë të ngurtë me veten tuaj. Për sa i përket shëndetit tuaj, shmangni ngrënien e tepërt dhe përpiquni të relaksoheni. Në punë sado vështirësi që të keni do i arrini objektivat. Në planin financiar fati do jetë në anën tuaj, por ju duhet të dini si t’i menaxhoni paratë.
BINJAKËT
Neptuni nuk do jetë planeti shumë i favorshëm sot prandaj mirë është të jeni sa më të matur me hapat që do hidhni. Nëse keni një lidhje do keni nevojë të papërmbajtshme për të bërë ndryshime, por për të mos gabuar më mirë të flisni me partnerin. Po ratë në të njëjtat mendime bëni atë që dëshironi në të kundërt prisni edhe pak kohë. Ju beqarët do filloni disa aventura shumë të bukura dhe do ndiheni mirë. Shëndeti është i mirë, por mos harroni të pushoni mjaftueshëm. Në punë nuk do i keni gjërat e lehta. Nuk do arrini dot t’i qartësoni mendimet dhe për pasojë nuk do veproni dot. Paratë do jenë në një gjendje shumë më të mirë se më parë.
GAFORRJA
Sot Hëna do ju nxitë të jeni më të hapur dhe do i zgjidhni edhe disa çështje delikate që ju kanë munduar pafund. Priten ndryshime shumë të mëdha që do ju qetësojnë shpirtin dhe mendjen. Nëse keni një lidhje do mbani përgjegjësi për gjithçka që keni bërë dhe do i pranoni gabimet. Marsi do ju nxitë të shprehni më tepër ndjenjat dhe do bëni edhe disa gjeste romantike. Nëse jeni Beqarë, do jeni një prezencë e vazhdueshme në mendimet e personit që ju intereson. Vazhdoni kështu, me vëmendje të vogël: një mesazh, një lule, një surprizë apo një gjest që shkon përtej materialit dhe gjithçka do të shkojë sipas planeve tuaja. Shqisa juaj e gjashtë do t'ju udhëheqë në marrjen e vendimeve në kohën e duhur. Shëndeti është i qëndrueshëm, por kujdes nga sëmundjet e vogla. Një këshillë: kushtojini kohë njerëzve që doni. Në punë ambicia do shtohet edhe më shumë ashtu si sensi i organizimit. Do dini si të reagoni shpejt edhe në rastet e vështira. Sektori i financave do jetë i privilegjuar dhe gjendja do jetë shumë e mirë.
LUANI
Sot do jeni shumë të pasigurt dhe do hezitoni për çdo gjë. Në mbrëmje nervozizmi do rritet edhe më tepër. Nëse jeni në një lidhje dhe keni pasur probleme nuk do dini çfarë vendimesh të merrni dhe çfarë rruge të zgjidhni. Kjo ndodh për shkak të pasigurisë dhe debateve që keni pasur së fundmi. Ju beqarët do doni të joshni, por nga ana tjetër kur t’iu afrohet dikush nuk do keni guxim t’ia shprehni ndjenjat apo të bëni ndonjë gjest. Shëndeti është i mirë, por mos e teproni me përpjekjet fizike. Një këshillë: përdorni sharmin tuaj me mençuri dhe jini bujarë me ata që ju rrethojnë. Në punë, mjedisi yjor, ka për të sjellë shumë tronditje dhe vështirësi. Kolegët do i keni kundër dhe ata do nxitin shefat t’iu kritikojnë. Për të riorganizuar buxhetin duhet të prisni edhe pak ditë.
VIRGJËRESHA
Bëni ato që do mendoni gjatë kësaj dite, por mos e teproni. Qetësia dhe natyraliteti do ju ndihmojë më shumë për të arritur atë që keni dashur. Nëse keni një lidhje marrëdhënia juaj me partnerin do jetë më e qetë se disa kohë më parë. Plutoni do jetë planeti që do ju bëjë më te logjikshëm dhe nuk do keni më debate të kota. Nëse jeni beqarë do kaloni disa momente ëndrrash. Shfrytëzojeni rastin, por pa menduar menjëherë për gjëra serioze. Ka kohë për gjithçka. Shëndeti është i mirë, por kushtojini vëmendje detajeve të dietës suaj. Një këshillë: mos u bëni shumë kritik ndaj vetes. Në punë do ju vënë pak nën presion, por ju nuk do trembeni aspak. Buxheti do jetë i kënaqshëm sepse kohët e fundit keni ditur si t’i menaxhoni të ardhurat.
PESHORJA
Edhe pse do e dini se duhet sa më parë të bëni disa ndryshime në jetën tuaj sot, nuk do mundeni dot ta realizoni këtë gjë. Nëse keni një lidhje, do jeni shumë nervozë dhe mund t’i thoni partnerit gjëra të gabuara e të pakëndshme. Po nuk folët me të dhe t’ia shpjegoni situatën mund të keni probleme akoma më të rënda. Ju beqarët do bëni mirë të mos nxitoheni për asgjë sepse gjithçka ka kohën e saj . Shëndeti është i mirë, por përpiquni të ruani një ekuilibër mes mendjes dhe trupit. Një këshillë: përfitoni nga dita për të forcuar lidhjet emocionale. Sipas Horoskopit vip, në punë duhet të dini se nuk do keni aspak mbështetje nga kolegët dhe do duhet t’ia dilni vetë mbanë. Me shpenzimet do jeni impulsivë dhe mund të bëni gabime të mëdha me pasoja të rënda për të ardhmen.
AKREPI
Debatet e kohëve të fundit sot do shterojnë plotësisht dhe dita do jetë e mbushur me harmonii dhe gëzim. Një atmosfere e mrekullueshme bashkëpunimi do mbizotërojë në jetën tuaj në çift. Çdo gjë do ecë ashtu si keni dëshiruar gjithmonë, kështu që shfrytëzojeni çdo sekondë sikur të ishte e fundit. Nëse jeni beqarë nuk duhet të kërkoni gjëra të pamundura dhe persona pa të meta sepse ata nuk ekzistojnë. Mundohuni të jeni sa më realistë. Shëndeti është i mirë, por mos e lini pas dore pushimin. Një këshillë: kanalizoni energjitë tuaja në mënyrë konstruktive. Në punë ka ardhur koha të hidhni hapin e madh që e keni menduar prej kohësh. Në planin financiar duhet t’i merrni gjërat më seriozisht dhe duhet të kufizoni shpenzimet.
SHIGJETARI
Sot do ndiqni rrugën që keni ndërmarrë dhe nuk do hasni asnjë lloj pengese. Nëse keni një lidhje do merrni shumë dashuri dhe ngrohtësi nga partneri. Ai do lërë edhe veten dhe çdo gjë tjetër pas dore vetëm për t’iu përkushtuar dhe për t’iu bërë të ndiheni sa më mirë. Ju beqarët nuk do mërziteni asnjë moment sepse do realizoni njohje të reja mjaft interesante. Për të marrë vendime nuk duhet të nxitoheni. Shëndeti është i mirë, por përpiquni të mbani një mënyrë jetese të ekuilibruar. Një këshillë: ndiqni instinktet tuaja dhe mos kini frikë të eksperimentoni. Në punë do gjendeni edhe në pozita të vështira, por me pak mundim dhe përkrahje do i realizoni objektivat. Në planin financiar Hëna do sjellë përmirësime të pabesueshme.
BRICJAPI
Sot edhe sikur të doni të tregoheni indiferentë ose të mbyllur nuk do mundeni dot. Nëse keni një lidhje do mrekulloheni nga disa gjeste të partnerit dhe nuk do mbani më inat as për ndonjë problem që keni pasur më parë. Pas mesditës do i shtoni dozat e fantazisë si ju ashtu dhe partneri dhe do kaloni çaste fantastike. Për ju Beqarët, është koha për të rimarrë kontrollin e jetës tuaj, duke marrë vendime të qarta dhe të sigurta. Do jetë një ditë me fat: luani mirë letrat dhe dominoni situatën. Shëndeti është i mirë, por kujdes nga stresi. Një këshillë: mos u bëni shumë të ashpër me veten dhe përpiquni të relaksoheni. Në punë gjeni mundësinë për të folur me shefat për disa ide inovative që do keni sepse keni për të përfituar shumë. Financat do fillojnë të kenë përmirësimet e para.
UJORI
Gjatë kësaj dite Marsi do ju nxitë të jeni energjikë dhe ju këtë energji do e vini në shërbim të disa projekteve të rëndësishme. Nëse jeni në një lidhje nuk duhet në asnjë mënyrë të mundoheni ta bëni xheloz partnerin tuaj sepse pasojat mund të jenë të shumta e të papëlqyeshme. Mundohuni vetëm të dashuroheni si ta ndjeni dhe largoni dyshimet. Nëse jeni beqarë duhet të bëni ende durim për të gjetur personin më të përshtatshëm. Shëndeti është i mirë, por përpiquni të ruani një ekuilibër mes mendjes dhe trupit. Një këshillë: mos kini frikë të tregoni natyrën tuaj të vërtetë. Në punë do jeni autoritare dhe kur të shihni se diçka nuk po shkon mirë do merrni menjëherë masat e duhura. Financat do dini si t’i organizoni dhe gjendja do mbetet e kënaqshme në çdo moment. Vazhdoni me këtë sjellje.
PESHQIT
Sot do keni tendencë të analizoni me shumë kujdes gjithçka dhe më pas do veproni. Kjo gjë do shmangë të papriturat. Jeta juaj në çift do konsolidohet mjaft. Do jeni më të logjikshëm dhe nga ana tjetër do i pranoni gabimet që ju vetë keni bërë. Nëse nga ana tjetër jeni beqarë nuk do tregoheni të vëmendshëm dhe do humbisni mundësi të shkëlqyera për të filluar lidhje serioze. Shëndeti është i mirë, por kushtojini vëmendje sinjaleve të vogla të trupit. Një këshillë: kushtojini kohë vetes dhe pasioneve tuaja. Në punë mund të ndiheni paksa të turbullt për shkak të një projekti të ri që do iu jepet dhe nuk do dini nga t’ia filloni. Në planin financiar do mbizotërojë gjithë kohës ekuilibri dhe nuk do e keni të vështirë të kryeni shpenzimet e nevojshme.
© Të gjitha të drejtat e rezervuara
.png)
Post a Comment