Gjate e gjerë për shenjen e PESHQVE

PESHQIT.  ( 20 Shkurt – 20 Mars )

Peshqit janë shenja e dymbëdhjetë e zodiakut. Është Shenjë e ujit, e lëvizjes, femërorë që drejtohet nga Jupiteri dhe Neptuni. Peshqit janë shenjë e ndjeshmërisë së madhe gjithmonë në kërkim të idealeve; tërhiqet gjithmonë nga çdo gjë e re dhe njëkohësisht largohet gjithmonë. Është Shenja e ëndërrimtarëve dhe e njerëzve që janë jashtëzakonisht të gatshëm për të ndihmuar të afërmit.

Karakteristika të përgjithshme.

Të lindurit në Shenjën e Peshqve janë të sjellshëm, të ndjeshëm, ëndërrimtarë, altruistë, bujarë, simpatikë, intuitivë dhe me plot fantazi. Peshqit janë tipa shpirtërorë të fokusuar në botën e tyre të brendshme, i japin shumë rëndësi ndjenjave të tyre dhe janë të mëshirshëm. Të gjithë të lindurit e kësaj Shënje janë njerëz të drejtë, të mirë, imagjinativë, impresionues, mistikë, të mirë-kuptueshëm dhe romantikë. Janë idealistë me shumë intuitë dhe jetojnë në një botë iluzioni. Fakti që këtë Shenjë e simbolizojnë dy peshq në drejtime të kundërta dhe kjo tregon se ata mund të kenë dy personalitete, mund të kalojnë nga ndërgjegja tek jo ndërgjegjja (këtë e bëjnë më shumë edhe për të provokuar njerëzit), prandaj është vështirë të kesh të bësh me ta. Ata konsiderohen si kameleonët e zodiakut. Të lindurit Peshq ndihmojnë të tjerët dhe venë shpesh interesat e të tjerëve mbi ato personale. Kombinimi i Planetëve Jupiter dhe Neptun i bën Peshqit me energji unik-ale. Janë të orientuar shpirtërisht, janë të devotshëm, të duruar, zemërmirë, të ndershëm, krijues, modestë, të thjeshtë, autokritikë, besnikë dhe të ndrojtur. Ata kanë ideale te larta dhe hera-herës se ndajnë fantazinë nga realiteti dhe vazhdojnë të ëndërrojnë me sy hapur dhe kur shohin që ëndrrat e tyre nuk realizohen, bien në pesimizëm dhe letargji, gjatë kësaj kohe reflektojnë mirë.

Shumë Peshq janë fetarë, të ndjeshëm dhe kanë dëshirë të ndihmojnë të varfërit e të vobektit. Pëlqejnë të konfrontohen dhe rrallë i ndërrojnë mendimet e tyre. Janë disi të lehtë dhe shpesh veprojnë në mënyrë të pamenduar dhe të tepruar.. Peshqit janë emocionalë, artistikë dhe pëlqejnë gjithçka që është e bukur, fisnike, u pëlqen natyre, luksi, kënaqësia dhe udhëtimet në vendet ezoterike. Të lindurit e kësaj Shënje janë të paqëndrueshëm kur realizojnë projekte që nuk i tërheqin dhe janë ngulmues për të çuar në fund atë që iu pëlqen. Në familje nuk është e lehtë t’i kuptosh, nganjëherë mbyllen në vetvete dhe nuk duan të konfidohen. Nuk duan të shqetësohen sepse preken lehtë dhe nuk durojnë kollaj. Në qoftë se trajtohen me butësi dhe ëmbëlsi përgjigjen me dashuri të sinqertë. Peshqit nuk janë të dhënë shumë pas punës por megjithatë arrijnë të sigurojnë një pozicion të mirë ekonomik në saje të këmbënguljes dhe forcës së vullnetit. Kalojnë periudha lodhjeje dhe plogështie por nuk nxiten shumë, sepse për ekuilibrin e tyre psikofizik kanë nevojë për këto periudha qetësie, për të gjetur energji te reja. Nuk iu pëlqen rutina dhe orari fiks i punës, por kërkojnë një farë pavarësive.

Peshqit jetojnë me kokën në re (nuk kënaqen kurrë plotësisht) dhe meqë kanë talent artistik, kërkojnë punë që mund t’iu sjellë sukses dhe para. Të lindurit e Shenjës së Peshqve janë respektues, vëzhgues të mirë, konservatorë, kryeulët dhe shumë mikpritës për njerëzit e dashur. Janë tipa teorikë, me imagjinatë dhe rrallë herë kanë sensin praktik. Kuptojnë shpejt dhe i thithin shpejt idetë dhe tendencat e reja. Shumë Peshq janë të prirur drejt arteve dhe janë shumë të talentuar sidomos në muzikë, letërsi apo pikturë. Në lidhjet personale s’janë kurrë egoistë dhe janë shumë bujarë me ato që duan dhe respektojnë dhe kur ia venë syrin dikujt duan ta bëjnë sa më shpejt atë për vete. Peshqit janë irracionalë, misteriozë,plot sekrete dhe nganjëherë u pëlqejnë dhe thashethemet, mund të bëhen naivë dhe gënjeshtarë (për të mbrojtur interesat e veta). Me që janë shenjë e ujit ata janë të paparashikueshëm si uji. Gjithashtu ata nuk ndërhyjnë shumë për të zgjedhur probleme. Janë ta adaptues-hëm në shoqëri dhe kërkojnë qetësi dhe simpati nga të tjerët. Pëlqejnë vetminë për të ëndërruar misterin, gjërat “qesharake”, ripërtëritjen, të humbasin, urrejnë mburravecët të kritikohen, vështirësinë, pedanterinë, qartësinë.

Karakteristikat e mashkullit të Peshqve.

Është një mashkull veçanërisht simpatik me shumë intuitë, jashtëzakonisht i ndjeshëm dhe më i prirur për të jetuar në botën e ëndrrave sesa me këmbët në tokë. Vendimet më të rëndësishme i merr në mënyrë intuitive, i nxitur nga inteligjenca e madhe në saje të së cilës përballon si pavendosmërinë e tij ashtu dhe momentet e papritura të humorit të keq, që janë shumë karakteristike për mashkullin e kësaj Shenje. Ky mashkull është gjithmonë në kërkim të ideales, është me fantazi por jo mosbesues, megjithatë është gjithmonë në gjendje ankthi për diçka edhe në momentet më të mira të jetës.Një mashkull që në rast nevoje di të tregohet edhe më shumë “sens të përbashkët” e që di të jetë gati gjithmonë “për të dhënë një dorë”,i nxitur nga një altruizëm i thellë. Por me gjithë disponimin, ai ka tendencë për t’iu larguar detyrimeve e që di të kapërcejë vështirësitë e jetës përditshëm.

Karakteristikat e femrës së Peshqve.

Mbiemri cilësues që i përshtatet më (shumë) mirë femrës së Peshqve është ëndërruese. Ajo jeton në botën e saj të veçantë duke fantazuar, por edhe mban parasysh ç’ka është parapërcaktuar. Ajo është inteligjente, me shumë intuitë, sigurisht e shqetësuar e shpesh e mërzitur, por nuk e njeh mosbesimin dhe egoizmin dhe sikurse mashkulli është gjithmonë gati t’u japë ndihmë atij që ka nevojë. Ajo është inteligjente, me shumë intuitë, sigurisht te shqetësuar e shpesh e mërzitur,por nuk e njeh mosbesimin dhe egoizmin dhe sikurse mashkulli është gjithmonë gati t’i japë ndihmë atij që ka nevojë. Ajo është shumë e rezervuar, vështirë ta dëgjosh të flasë për veten e saj, por shumë më e fortë dhe më e vendosur nga sa duhet. Sigurisht është një tip romantik që kërkon me dëshirë e vullnet gjithçka të parakohshme dhe origjinale, duke zgjeruar e plotësuar interesat e saj të shumta kulturore. Shpirti i sakrificës që karakterizon femrën e Peshqve është vërtet i jashtëzakonshëm; ajo është shumë e ëmbël, di të dashurojë shtëpinë dhe fëmijët e saj me një kushtim të thellë ndërsa për miqtë ajo di të jetë një mbështetje e vlefshme (mikpritëse).

Personaliteti i Peshqve.

Pa dyshim jemi përballë një Shenjë të magjishme: Personat e lindur tek Peshqit zakonisht kanë një ndikim të madh mbi ata që kanë rreth e rrotull. Kjo vjen ndoshta nga modestia e tyre, fantazia mahnitëse, por sigurisht dhe nga humanizmi, dispozicioni dhe simpatia që shkaktojnë. Sigurisht që pavendosmëria dhe mos-stabiliteti rëndojnë në raportet njerëzore, por kur në themelin e një karakteri (tek Peshqit në këtë rast) gjenden inteligjenca dhe altruizmi, dialogu me njeriun e afërt lehtësohet. Nga ana tjetër, nuk duhet nënvleftësuar aftësia që kanë të lindurit e kësaj Shenje për t’i dëgjuar të tjerët; ky është “një art” gjithmonë e më i rrallë, pra shumë i çmuar, që padyshim bën pjesë në natyrën e tyre, ashtu sikurse dhe intuita e thellë, e cila është një udhëheqëse optimale,kur zotërohesh nga pavendosmëria ose kontra-diksioni, gjë që ju ndodh shpesh Peshqve.

Dashuria është gjysma e vetme dhe e vërtetë e të lindurve të kësaj Shenje dhe në dashuri janë persona me shije të hollë në çdo shfaqje; për ata raporti seksual është një mënyrë për të shprehur haptas ndjenjat e veta. Është e sigurtë se Peshqit, me gjithë përzemërsinë e tyre, janë personat më të pakapshëm të zodiakut që mund të zotërohen me më shumë vështirësi.

Të lindurit në dhjetëditëshin e parë (19 – 29 Shkurt)
Janë shumë të përzemërt, të hapur, të pavendosur dhe gjithmonë në gjendje ankthi, kanë një intuitë të fortë, janë mistikë dhe dëshirojnë udhëtimet.

Të lindurit në dhjetëditëshin e dytë (1 – 10 Mars)
Janë të prirur drejt misticizmit, e urrejnë vetminë dhe tentojnë ta maskojnë personalitetin e tyre. Shumë të ndjeshëm, intuitivë që ndihmojnë të tjerët, sunduar nga Ju-piteri janë më idealistë dhe më të drejtë e bujarë.

Të lindurit në dhjetëditëshin e tretë (11 – 20 Mars)
Kanë një natyrë shumë impulsive, jo stabël dhe jo besnikë në dashuri (sidomos djemtë). Atyre shpesh ju mungon ndjenja e masës, janë të adaptue-shëm.

Peshqit në dashuri

Në dashuri Peshqit janë krijues, romantikë, të ndjeshëm dhe të këndshëm me partnerin. Pak miqësi por shumë dashuri karakterizojnë eksperiencën e tyre të dashurisë. Peshqit në dashuri janë delikatë, hera-herës seksualë dhe me partnerin duan më tepër një bashkim shpirtëror sesa material. Peshqit kanë gjithnjë nevojën e vërtetimit të simpatizuarit prej personit të afërt. Plagosen dhe dekurajohen lehtë nëse personat që dashurojnë nuk e tregojnë çdo çast simpatinë e tyre për ta. Gjithë Peshqit kanë etje për simpati, për ndjenjë dhe për dashuri. Kur ndonjëri u afron dashurinë nuk kënaqen plotësisht,por kur u mohohet ankohen pambarimisht. Nuk është e domosdoshme të duan persona konkretë. Burrat Peshq zgjedhin gjithnjë gra më të mira se veten, qoftë nga pikëpamja ekonomike apo ana shoqërore. Nga pikëpamja seksuale Peshqit janë më shumë pasivë, shumë të papërfillshëm. Kur martohen si femrat dhe meshkujt janë shumë besnikë, e duan shtëpinë, por nuk e mbajnë siç duhet me që janë ëndërrimtarë.

Femra e Peshqve në dashuri.

Asgjë nuk mund të zëvendësojë dashurinë në jetën e një femre të Peshqve. As karriera, as paratë, as suksesi nuk mund t’i japin asaj të njëjtat gëzime dhe shpërblime sa një jetë sentimentale e lumtur dhe e qetë. Pikërisht nga dashuria, ajo pret atë tip mbrojtjeje dhe sigurie për të cilën ka aq shumë nevojë sikurse dhe për ato përkëdhelitë e ngrohtësitë e vogla që shpërblejnë ëmbëlsinë e lindur të shpirtit të saj. Do të ishte fatkeqësi e madhe nëse zgjedhja e saj efektive do të binte mbi një burrë shumë materialist, kritik dhe jo besnik. Femra e kësaj shenje do të vuante jashtëzakonisht shumë dhe atëherë do ta zbulonte gjithë delikatesën e saj. E hidhëruar nga një pasion që ka përfunduar keq,ajo do ta lëshonte veten aq shumë sa do të binte në një depresion ekzistencial. Për femrën e Peshqve, mashkulli i përshtatshëm me siguri do të jetë një partner i pjekur dhe romantik, i ëmbël dhe që ka aftësi t’i kuptojë të tjerët, që prej saj do të konsiderohet edhe si një udhëheqës, drejtues “maestro i jetës”, me atë ajo do të përpiqet të ndajë edhe ëndrrat e fantazitë e saj veçanërisht në profilin sentimental. Pa dyshim, dashuria, është ajo që e mban në jetë femrën e Peshqve; ndoshta si askush tjetër kur pëson zhgënjim ajo mund të bie pre e një fatalizmi negativ e të tepruar që e shtyn të lerë pas-dore gjithçka. Femra e Peshqve është një shoqe e këndshme dhe ka nevojë të ketë përkrah një mashkull që di ta mbrojë, ta përkëdhelë, që ai të bëjë sikur nuk i vë re ndryshimet e humorit të saj dhe që ndan me të përgjegjësitë e jetës bashkëshortore. Xheloze në mënyrë dramatike, ajo nuk mund ta durojë pabesinë në dashuri dhe sensin tjetër kritik.

Mashkulli i Peshqve në dashuri.

Mashkulli i Peshqve do ta jetojë raportin e tij të dashurisë gjithmonë në mënyrë komplekse dhe kontradiktore. nga njëra anë qëndron qenia romantike, me intuitë, disponuese, e rezervuar... nga ana tjetër njeriu i pakapshëm, që bën korte në mënyrë të pavendosur dhe shumë misterioze, e që nuk di të imponohet në raportin e çiftit. Jashtëzakonisht emotiv (nevrik) e xheloz, mashkulli i kësaj shenje është padyshim një partner i butë, që urren çdo formë grindjeje që ju bën bisht ekzagjerimeve dhe teprimeve. Për atë është e domosdoshme jetesa në një atmosferë të qetë dhe çlodhëse, që do ta ndihmojë për të kundër-balancuar shqetësimet e thella, ato shqetësime që mund ta çojnë në një pabesi dhe në largimin nga rutina, të cilën e përballon me shumë vështirësi. Bujar me gruan që dashuron, ai pret prej saj forcën shpirtërore, të cilën ai nuk e ka, durim ndaj ndryshimeve të humorit të tij dhe një dozë të mirë ndjeshmërie dhe romantizmi. Një mashkull i lindur tek Peshqit, i zhgënjyer dhe i plagosur sentimentalisht, e ka të vështirë të rivendosë për ekuilibrin e tij. Në dashuri është i ndrojtur dhe romantik, që i jepet totalisht dhe pa rezervë në kërkim të asaj butësie, për të cilën, ndjen një nevojë të pafund. Sigurisht, ai nuk është gjithmonë i arsyeshëm në jetën sentimentale, madje lejon që sentimentet ta mbizotërojnë dhe do ta jetojë raportin e dashurisë në një mënyrë shumë misterioze, të rezervuar dhe komplekse. Është xheloz (shumë) por nuk e shfaq, por është gati të vetësakrifikohet për partneren e tij, pa u imponuar kurrë në raportet e çiftit.. Por, duke qenë i ndjeshëm dhe delikat, kur zhgënjehet në dashuri, ndjehet aq i humbur sa mund të jepet pas të pirit për ta harruar.. Ai është i ëmbël dhe pasionant, por ai mund ta jetojë në raport në mënyrë platonike, sepse e sublimon, e hyjnizon atë që provon dhe ndjen. Nëse doni të fitoni dhe të ruani dashurinë me Peshqit vlerësoni reciprocitetin, duhet të jeni kurdoherë mirënjohës dhe të mos t’i lini që të mërziten. Mjafton të jeni pak të butë, përkëdhelës dhe korrektë për të qënë të preferuarit e Peshqve. Mos nënvlerëso bashkë me to dhe pamjen e jashtme sepse për ta është me mjaft vlerë. Duhet të jeni edhe humanë (tepër) dhe të dhimbshëm.

Të lindurit e dhjetëditëshit të parë (19 – 28 Shkurt)
Janë shumë të aftë për të kuptuar të tjerët, të hapur në dashuri dhe të gatshëm për të dhënë këshilla të mençura.

Të lindurit e dhjetëditëshit të dytë (1 – 10 Mars)
Karakterizohen nga një ndjeshmëri më e madhe dhe kanë prirje për t’u mbyllur në vetvete, kanë një shije të hollë. Zakonisht janë persona magjepsës.

Të lindurit në dhjetëditëshin e tretë (11 – 20 Mars)
Kanë një karakter pak polemizues, të prirur për mos-besnikëri, për të qenë egoistë dhe të pa-stabilizuar në raportin martesor.

Peshqit në miqësi.

Femra e Peshqve ka një sens të thellë miqësie dhe është e prirur në mënyrë të veçantë për të ndihmuar; tek ajo mund të mbështetesh me besim në momente të vështira. Ajo nuk di të sillet ne mënyrë ndërhyrëse, madje është shumë intime, bujare dhe asnjëherë mosbesuese ndaj atyre që i quan miq. Nëse një femër e Peshqve jep miqësinë e saj, kjo do të thotë se ajo do të japë edhe afeksionin dhe disponimin e saj, gati për t’u sakrifikuar, nëse do t’ia kërkonin rrethanat. Por në qoftë-se miqësia do ta zhgënjejë, atëherë ajo do të mbyllet dhe do të largohet për të mos vuajtur më shumë par shkak të ndjeshmërisë së saj të pafund.
Edhe mashkulli i lindur tek Peshqit e vlerëson shumë miqësinë dhe e jeton në një mënyrë altruiste, me shumë durim, gjithmonë i gatshëm për të kuptuar dhe për të dëgjuar problemet e njeriut të afërm duke u dhënë ndonjë këshillë për t’i ngushëlluar sadopak. Ky mashkull është padyshim shumë bujarë me miqtë, veçanërisht në planin afektiv dhe di t’u japë atyre shumë ngrohtësi, megjithë ndrojtjen e madhe.. Meqë është idealiste dhe me shije të hollë ai ka dëshirë të ketë shokë dhe miq të përkryer në një farë mënyre edhe të krenohet me ta. Nëqoftëse do të ndihet i braktisur dhe i tradhtuar në raportin e tij, nuk do të reagojë në mënyrë violente, sepse tek ai ekziston një paaftësi e thellë për të reaguar dhe luftuar, megjithatë çdo gjë u shkon në mëndje për t’u hakmarrë. Peshqit janë intuitiv dhe dinë të largohen nga situata të papërshtatshme. Kanë etje për simpati edhe në miqësi.

Peshqit në familje

Femra e kësaj shenje ka një sens të thellë të familjes si për atë nga e cila vjen, ashtu dhe për bërthamën që do të krijojë. Për atë burri dhe fëmijët përfaqësojnë qëllimin kryesor të jetës dhe për ata është gati të sakrifikohet (dhe e bën pa u sforcuar), vetëm e vetëm për t’i parë të lumtur e të kënaqur. Ajo është padyshim një nënë e shkëlqyer, shumë komprensive (mirëkuptuese) por që shpesh është tepër mbrojtëse ndaj fëmijëve të saj. Do t’i edukojë fëmijët duke u përpjekur t’u japë atyre të gjitha siguritë e mundshme dhe duke i lënë që të kenë një farë lirie e veprimi. Ajo i edukon fëmijët e saj.
Mashkulli i Peshqve është edhe ai shumë i lidhur me familjen prindërore, veçanërisht me nënën. Bashkëshort i mirë, baba i mirë, do të bëjë përherë gjithçka për të qenë i pranishëm në familje, për të edukuar fëmijët në mënyrën më të mirë, duke përdorur të gjithë ndjeshmërinë e tij të lindur. Megjithatë ai është një baba që do t’u lejojë liri të madhe zgjedhje të bijve të tij, dukë u dhuruar, madje dhe nga larg, shumë butësi.

Aftësitë profesionale të Peshqve.

Meqë-në se femra e lindur në këtë Shenjë është veçanërisht intuitive dhe e ndjeshme ajo do të arrijë suksese në të gjitha ato veprimtari që kërkojnë këto karakteristika. Ajo mund t’ia dilte mbanë lehtësisht në fushën e kërkimeve, në psikologji, në mjekësi, në farmaceutikë, në riedukim, mbasi ka një shpirt sakrifice të jashtëzakonshëm. Edhe në fushën e artit, femra e Peshqve ka mundësi të mira për të triumfuar si artiste ose si shkrimtare, sepse zakonisht ajo ka shumë talent artistik, por duhet të bëjë përpjekje të mposhtë ndrojtjen e saj të lindur. Mund të punojë kollaj edhe sekretare dhe mund të bëhet aktore e mirë. Ndërkohë ajo duhet të përpiqet të shmangë cdo profesion në të cilin nevojitet njëfarë agresiviteti, që nuk bën pjesë aspak në temperamentin e saj (edhe astrologe punon).
Mashkulli i lindur në shenjën e Peshqve tërhiqet gjithmonë nga të papriturat dhe fantastikja e me natyrën e tij të durueshme dhe shumë intuitive mund të ushtrojë me sukses ato profesioni që kanë të bëjnë me kolektivitetin, si: tregtinë, artin, punët që lidhen me financë (bursë, etj). Kjo shpjegohet me faktin se mashkulli i Peshqve ka një intuitë me të vërtetë të vlefshme. Duhen të shmangen ato punë që kërkojnë një luftë konstante, siguri e vendosmëri. Në fakt ky mashkull nuk di dhe nuk do të luftojë e mbi të gjitha e ka në karakter që të shmangë tensionet. Në punë, duan të punojnë për hesap të vet dhe s’duan shefa mbi kokë. Mund të punojnë si sekretarë dhe llogaritarë por jo shefa. Meqë janë të ndjeshëm mund të punojnë në shoqata bamirësie, mund të bëhen mjekë, veterinerë. Nuk mungojë peshqit aktorë, arkitektë, medicinë, detektivë, shkrimtarë, këngëtarë, muzikantë me që kanë fantazi mund të bëhen dhe krijues regjisorë apo organizatorë (priftërinj). Një këshillë: kujdes, mos lejoni që puna të thithë të gjitha forcat fizike që për Peshqit janë shumë të kufizuara.

Peshqit dhe paraja

Të lindurit e shenjën së Peshqve qofshin femra apo meshkuj kanë prirje ti konsiderojnë paratë me një farë indiferencë, sepse janë në thelb idealistë dhe larg nga çdo gjë materiale, e mbi të gjitha iu mungon prakticiteti. Në femrën e kësaj shenje vërehet një sens më i madh praktik, e pra një raport më i drejtë ndaj parasë, ndërsa mashkulli rezulton kryesisht indiferent ndaj çështjeve ekonomike. Edhe pse janë shumë kursimtarë të lindurit në këtë shenjë do të shpenzonin shumë me qejf për gjithçka duhet për shtëpinë, veçanërisht për dhomën e gjumit, për lule, bimë si dhe për tu kujdesur sa më mirë për kafshët shtëpiake. Një gjë është e qartë; femrat dhe meshkujt e kësaj shenje nuk do të tërhiqeshin kurrë para blerjes së parfumeve dhe kremrave të bukurisë. Të lindurit tek Peshqit dëshirojnë të udhëtojnë shumë për të zbuluar horizonte të reja, edhe për realizimin e këtyre ëndrrave të tyre, ata nuk do të kursehen; madje do të preknin edhe kursimet. Në raportin me paratë do të ndërhyjë pozicioni i Mërkurit, Hënës, dhe Diellit domethënë në çfarë sektori të horoskopit do të ndodhen këto planetë.

Peshqit dhe shëndeti

Të lindurit në shenjën e Peshqve (femra dhe meshkuj) janë njerëz që kanë një shëndet mjaft delikat dhe si pasojë e marrin veten me vështirësi pas sëmundjeve që kalojnë. Këmbët dhe qarkullimi periferik janë pjesët më delikate të Peshqve, që kanë dhe një pre-dispozicion të veçantë ndaj intoksinacioneve të çdo lloji. Jo rrallë ata kanë mungesë hekuri. Tek të gjithë-çdo lloji. Jo rrallë ata kanë mungesë hekuri. Tek të gjithë ata vihet re një tendencë për të vuajtur nga reumatizma, shqetësimet në artikulacionet, sëmundjet nervore dëmëthenë depresionet, e pikërisht për t’u shpëtuar këtyre të fundit, Peshqit mund të arrijnë të humbasin në pirjen e alkoolit, gjë që është e rrezikshme për fizikun dhe psikikën e tyre. Është për tu shënuar se femra e kësaj shenje mund të vuajë shpesh nga varicet dhe funksionimi i keq i tiroidës. Edhe rrugët e frymëmarrjes dhe sistemi i tretjes janë shumë të ndjeshme dhe shpesh takohen probleme të karakterit limfatik, të sistemit nervor, tek damarët dhe vezoret. Është për tu shënuar se femrat e Peshqve rezultojnë me të dobëta se meshkujt, megjithatë të gjithë duhet të mundohen sa më shumë “të djegin” ose më mirë të mundin tensionet që vijnë në pjesën më të madhe ndaj pesimizmit. Është e domosdoshme që të gjithë Peshqit të largojnë alkoolin, pirjen e duhani dhe drogën që janë shumë të rrezikshme për shëndetin. Gjimnastika me trup të lirë dhe ritmikë, alpinizmi, noti, vrapi dhe ecja e lirë janë ndër aktivitetet fizike më të përshtatshme për të çlodhur sistemin e ndjeshëm nervor të të lindurve të kësaj shenje. Për të shmangur ankthin duhet të marrin pjesë në veprimtaritë asistenciale, sepse do ta ndjejnë veten të dobishëm, gjë që e kanë të nevojshme duhet të lexojnë, të merren me këngën dhe të dëgjojnë muzikë. Për Peshqit këshillohet një ushqim i varfër me kripëra, sepse kanë tendencë të shëndoshen duke mbajtur lëngjet, megjithëse shumë Peshq kanë një formë trupore të mrekullueshme dhe janë të pashëm. Peshqit duhet të preferojnë mishin e viçit, të pulës, peshkun dhe tonin natyror me kontorno fasulesh, kungulleshkë, karota, panxhar, qepë, selino, lakër, sallatë rradhiqe. Si fruta do të ishin më të përshtashme kajsitë, pjeshkat, luleshtrydhet, dardhat, rrushi, kumbullat e gjata si dhe agrumet (portokallet, limonat, mandarinat) që kanë shumë vitamina C. Për aparatin urinar gjëja më e mirë është të pish ujë natyral, por jo të gazuar. Me masë, pa e tepruar, mund të pihen edhe kafe e çajra të lehtë. Për të lehtësuar gjumin, para se të flinin do të ishte mirë që të pinin një gotë çaj lule bliri i ëmbëlsuar me mjaltë. Për të pushuar i mirë është edhe deti edhe natyra e pastër.

Të lindurit e dhjetëditëshit të parë (19 – 28 Shkurt)
Vuajnë zakonisht nga shqetësimet e mëlçisë, tëmthit, reumatizmave, veçanërisht tek këmbët.

Të lindurit e dhjetëditëshit të dytë (1 – 10 Mars)
Janë më të ndjeshëm në bark, në gjendrrat mbi-veshkore dhe nga problemet e peshës, për shkak të teprimeve në ushqim.

Të lindurit në dhjetëditëshin e tretë (11 – 20 Mars)
Mund të kenë më shumë vështirësi për shkak të një metabolizmi difektoz në yndyrna. Mundësi sëmundjesh me origjinë nervore, të bronkeve, mushkërive dhe gjëndrrave limfatike. Duhet të kenë kujdes nga format e intoksikimeve dhe helmimeve.

Planetët që ndikojnë kryesisht tek Peshqit (femra, meshkuj) janë Ju-piteri dhe Neptuni.

Vlerat e Peshqve

Femra e kësaj shenje është shumë e ndjeshme idealiste, e dashuron të vërtetën, me shumë fantazi dhe aftësi si pak të tjera për të kuptuar tjetrin, veçanërisht mashkullin që dashuron, megjithëse shpesh jep idenë e dobësisë. Femra e Peshqve nuk është aspak e dobët, por do të gjejë gjithmonë mënyrën për të përballuar shumë, sepse ka një natyrë që di t’u përshtatet rrethanave. Në anën profesionale është një grua që di të dallohet për pre-dispozicionin e saj të jashtëzakonshëm, ndërgjegjen dhe altruizmin e saj me kolegët ajo do të jetë gjithmonë e gatshme për t’i ndihmuar. Është shumë e ndershme dhe e mëshirshme.
Edhe mashkulli i lindur në këtë shenjë është shumë i ndjeshëm, romantik, me intuitë, i gatshëm për të ndihmuar, i dëgjueshëm, simpatik. Ja një mashkull dhe një partner zemërgjerë, i gatshëm dhe shumë i ëmbël në dashuri. Ai është jashtëzakonisht i rezervuar e idealist i madh dhe i urren diskutimet e çdo lloj. Mashkulli i Peshqve ka një shpirt të lirë (të pastër) është krijues, besnik, mirëkuptues, modest, i sjellshëm dhe i mëshirshëm.

Të metat dhe dobësitë e Peshqve

Femra e lindur në këtë shenjë mund të jetë pak e plogësht, frikacake, që ndikohet lehtë, kapricioze, e pavendosur, e paqëndrueshme, megjithëse tepër e ndjeshme në dashuri. Femra e Peshqve bie lehtë viktimë e “sulmeve të dembelizmit” që e bllokojnë dhe e pengojnë të përballojë pasigurinë që ndjen thellë brenda saj. Ajo do të tentojë gjithmonë t’i teprojë pengesat dhe vështirësitë sepse ajo i sheh gjërat më të vështira nga sa janë zakonisht. Ky është një kufizim i madh që ajo duhet të përpiqet ta mbajë nën kontroll, sepse pesimizmi kur është i tepruar vepron si frenim kundrejt të gjitha nismave që do të duhej të merrte. Ajo preket shpejt duke u bërë pre e akthit, tensioneve dhe frikës që e shoqërojnë thuajse gjithmonë. Mjerë ajo kur nuk arrin t’i kontrolloje. Edhe tmerri i tepruar nga vetmia nëse nuk luftohet mund të bëhet një pikë e dobët e gruas së kësaj shenje. Nuk është e vërtetë që vetmia duhet konsideruar një dënim që duhet përmbushur duke pranuar një person apo punë të çfarëdoshme. Vetmia duhet të përballohet! Sa gabime janë bërë për të larguar vetminë dhe sa herë ka ardhur si pasojë pendesa. Kjo femër është shumë e ndrojtur dhe shpesh naive.

Mashkulli i Peshqve është shumë i paparashikueshëm dhe veçanërisht i pakapshëm edhe në raportet sentimentale që i dëshiron të përsosura sepse dëshiron të ndihet plotësisht i shpërblyer. Shpesh nervoz, shumë i çrregullt, ndonjëherë edhe gënjeshtar (mund të arrijë të gënjeje madje edhe veten) ai është shumë i pavendosur kundrejt alternativave të jetës që duhet t’i përballojë me shumë kujdes. Ndryshimet e humorit bëjnë pjesë në natyrën e tij dhe në jetën martesore është një burrë i ndryshueshëm e që mund të ndrydhet lehtë. Mashkulli i Peshqve ka një prirje të spikatur për “të ndërtuar” histori të pamundura dhe për t’u zhytur në një botë imagjinare. Kjo nganjëherë mund të jetë një prirje e pëlqyeshme por kur teprohet gjithmonë me shumë vështirësi, për të mos thënë me vuajtje. Supersticioni i tepruar është për mashkullin e Peshqve një e vërtetë në të cilën ai kufizon menjëherë aksionet dhe kontaktet njerëzore. Mashkulli i kësaj shenje është shpesh dembel dhe me pak vullnet të influencue-shëm. I paqartë e plot sekrete, misterioz dhe nuk ka shumë besim në vetvete.

Ekstravagancat e Peshqve

Femra e Peshqve është një “shpenzuese e madhe” parash në kuptimin që për atë paratë kanë një vlerë të tillë relative nga të cilat ajo ndahet pa u menduar gjatë, madje pa u menduar fare. Entuziazmi i saj për gjithçka “të re” shpesh duket thuajse fëmijë nor, aq i dukshëm që ajo i zgjedh miqtë e saj pa ndjekur asnjë lloj arsyetimi por vetëm duke dëgjuar zërin e instinktit. Në shtëpi femra e kësaj shenje e shikon çdo objekt të lidhur me kujtime vendesh apo personash që për të kanë qenë shumë domethënës.
Mashkulli i Peshqve ka aftësinë e çuditshme për të “transformuar” pamjen e së vërtetës, kështu që ai nuk pranon atë që është e dukshme dhe e kuptueshme, në qoftë se ajo nuk i shkon për shtat, i ndihmuar edhe nga fantazia ndërton një realitet krejt të vetin që i përshtatet vetëm atij, por që është shumë i ndryshëm nga realiteti i vërtetë. Ai nuk dëshiron të zgjidhë vetë problemet e punës apo edhe të tjera duke ia lënë vartësve kolegëve apo të afërmve shumë nga përgjegjësitë e tij, veçse pastaj është gjithmonë gati t’i kundërshtojë kur sipas tij, gabojnë.

Këshilla për Peshqit

Si meshkujt ashtu dhe femrat e lindur tek Peshqit jetojnë si me “kokë midis reve” pra pak të shkëputur nga realiteti dhe janë gjithmonë në kërkim të një lumturie të brendshme, që për ta realizuar lehtë, ata mund të bien viktimë e personave aspak të përshtatshëm, të pasinqertë, të metat e të cilëve ata nuk i kuptojnë dhe gabimet e të cilëve zakonisht kapërcejnë pa i vënë re. Pra ata duhet të kenë kujdes të mos jenë shumë zemërbutë dhe të varur, pa e ditur mirë se me kë keni të bëni! اdo gjendje shpirtërore (edhe pse pozitive) sjell tek të lindurit e kësaj shenje frikë, sepse kanë gjithmonë frikë se mos humbin suksesin, dashurinë, shpërblimin, miqësinë, gjë që do të thotë që ata i jetojnë keq ose të paktën pjesërisht keq raportet njerëzore në përgjithësi dhe ato të dashurisë në veçanti. Pesimizmi, ndjeshmëria, prekshmëria, ndikueshmëia e kësaj shenje janë vërtetë të jashtëzakonshme prandaj duhet bërë përpjekje shumë të mëdha për t’i zvogëluar duke u mbështetur në “buon sensin” domethënë gjykimin e shëndoshë dhe duke e detyruar veten të bëjë një jetë dinamike dhe të hapur, për të penguar neurozat që t’i zënë këmbët. Sigurisht të lindurit Peshq kanë artin e të dëgjuarit, dinë të qëndrojnë pranë bashkëbiseduesit dhe ta dëgjojnë atë, të ndjekin mendimet dhe arsyetimet e tij sepse janë me të vërtetë miq të çmuar. Shpesh vihet re se të lindurit e kësaj shenje jetojnë raporte sentimentale me shumë fantazi, prandaj ata kanë prirje të hedhin dashurinë mbi një person që në realitet është krejtësisht i kundërt nga sa besoj. Të lindurit e Peshqve janë jashtëzakonisht xhelozë, por bëjnë gjithçka për ta fshehur këtë, duke arritur të shtiren si krejtësisht indiferent. Peshqit kanë dy sy rruazorë dhe të shndritshëm, vështrim të ëmbël e magjepsës, megjithëse jo rrallë të përhumbur. Një këshillë së fundi: mundohuni të sforcoheni, përpiquni me cdo kusht ta pranoni realitetin ashtu sic është, pa dëshiruar ta transformoni sipas vetes e dëshirës suaj.

Kombinimi me shenjat e tjera.

Në miqësi: Meshkujt dhe femrat e lindur në këtë shenjë kanë mirëkuptim dhe miqësi të mirë me Dashin grindavec, por me kusht që të mos frekuentohen shpesh, me Demin e qëndrueshëm sepse u jep siguri, me Bricjapin e sipërfaqshëm për shkak të ligjit të të kundërtave, me Gaforren e ndjeshme sepse kanë interesa të përbashkëta, me Akrepin e fortë që u krijon siguri Peshqve, me Shigjetarin ambicioz sepse i sundon i njëjti planet, me Bricjapin, me Ujorin, altruist sepse të dy janë të interesuar për probleme të kolektivitetit. Është me të vërtetë i vështirë mirëkuptimi me Luanin prepotent që është i pandryshueshëm, me Peshoren që nuk mund t’i kuptojë, me Virgjëreshën kritike sepse nuk ekzistojnë afërsi.

Në dashuri: Sentimentalisht e madje dhe seksualisht, Peshqit meshkuj dhe femra do të kenë një raport më të mirë me Demin për shkak të mirëkuptimit fizik optimal, me Gaforren sepse u jep butësi Peshqve që ata kanë nëvojë, me Peshoren sepse të dy i urrejnë grindjet, me Akrepin pasionant që është shumë misterioz, me Ujorin dhe Shigjetarin sepse kanë të përbashkët dëshirën për të renë dhe aventurën, por me Shigjetarin kufizohu vetëm në filozofi dhe ai bën ç’është e mundur për pavarësi. Është shumë i vështirë një kuptim sentimental me Dashin që është shumë agresiv, me Binjakët që ndryshojnë shpesh dhe janë të paqëndrueshëm, me Luanin duhet të shmangni sensin kritik, me Virgjëreshën që është shumë racionale dhe kritikuese dhe me Bricjapin e ngurtë, kokëfortë e të ftohtë.

Në punë: Raporte pune optimale mund të vendosen me Demin, Binjakët, Gaforren, Virgjëreshën, Akrepin, Shigjetarin, Ujorin dhe Peshqit. Me këto shenja Peshqit do të gjejnë kompensimin e drejtë për nevojat e tyre dhe mundësinë për të pasur pikëpamje të përbashkëta. Përkundrazi është krejtësisht e pamundur një mirëkuptim profesional me Dashi, Luanin, Peshoren, Bricjapin sepse bashkëpunimi nuk mund të jetë frytdhënës për shkak të mentaliteteve të kundërta.

Mashkulli ideal për femrën e Peshqve

Për femrën e kësaj shenje është veçanërisht e rëndësishme të ketë përkrah një mashkull udhëheqës, një mashkull të pjekur, mbi të cilin ajo mund të mbështet në çështjet praktike të përditshme. Ëndërruese dhe romatike femra e Peshqve do të shpresojë gjithmonë që t’i ndajë fantazitë e saj me partnerin i cili padyshim nuk duhet të jetë as shumë materialist as tepër kritik sepse ajo do të vuante shumë. Për këtë tip femre, dashuria është gjithçka, ajo do të thotë edhe mirëkuptim e mbrojtje për kapriciot e vogla. Në këmbim femra e Peshqve do t’i kushtohet totalisht mashkullit të saj, mjafton që ai t’i qëndrojë besnik. Ajo nuk e toleron tradhtinë dhe nëqoftëse i ndodh do të reagojë dramatikisht e ashpërsisht me të gjithë forcat, duke shfryrë gjithë xhelozinë e saj.

Femra ideale për mashkullin e Peshqve

Pa dyshim, femra ideale për mashkullin e kësaj shenje do të jetë ajo që është e pajisur me shumë durim dhe ekuilibër të madh, me forcë shpirtërore, ndjeshmëri dhe romanticizëm. Ajo duhet të jetë një femër e aftë për të mos u turbulluar kur humori i partnerit do ndryshojë ashpërsisht papritur, në mënyrë të pajustifikuar. I shqetësuar nga natyra mashkulli i Peshqve kërkon në realitet paqen dhe qetësinë duke mos duruar as rutinën, as kufizimet që jeta e çiftit mund të sjellë. Tepër xheloz ai dëshiron besnikëri absolute nga partnerja e tij dhe nuk mund ti tolerojë aspak në këtë drejtim. Ai kërkon gjithashtu një femër që të jetë e zonja që të përballojë e të zgjidhë problemet dhe të jetë edhe pak autoritare për fëmijët e saj. Ky mashkull do t’i falë asaj bujari dhe ëmbëlsi.

Kuriozitete për Peshqit

Vendet dhe qytetet që i përshtaten kësaj shenje
Simbolizojnë konspiracionin, spiunazhin dhe kushtet sanitare të një vendi janë: Portugalia, Normandia, Azia e Jugut, Danimarka, Kalabria, Aleksandria, Egjipti, Galicia, Nubia, Saharaja, Sevilia, Ratisbona, Sauthport, Lankaster. Në këto vende Peshqit do të ndiheshin shumë mirë sepse i përkasin të njëjtës shenjë zodiak-ale.

Ngjyrat e Peshve

Të lindurit e Peshqve duhet të shmangin veshjen me ngjyrë të zezë dhe të kuqe sepse janë më pak të përshtatshme për ta. E zeza i deprimon, ndërsa e kuqja i ngacmon. Është e drejtë zgjedhja e të kaltrës në të gjitha nuancat e saj, si dhe jeshilja, mbasi këto ngjyra kanë raporte të mira me planetët që zotërojnë shenjën dhe janë tonifikues për ta.

Orët e dashurisë

Peshqit për të shprehur ndjenjat e tyre të dashurisë, orët më të përshtatshme janë: ora 11 – 12 të martën, të mërkurën, të premten dhe të shtunën si dhe ora 23 – 24 të hënën, të martën, të enjten, të premten, të shtunën. Hëna, Marsi, Mërkuri, Ju-piteri dhe Afërdita janë veçanërisht të favorshëm për Peshqit në këto orë.

Hajmalia që u sjell fat Peshqve është një breshkë në çdo lloj forme, ta mbajnë me vete si dhe një unazë prej argjendi dhe metalin kollaj sepse kështu rekomandon Jupiteri planeti dominues i Peshqve.

Pasaporta astrologjike.

Periudha 19 Shkurt – 20 Mars
Elementi: Uji (Shenjë uji).
Cilësia: e levishme, e qëndrueshme
Gjinia: femërore
Planeti dominues: Jupiteri dhe Neptuni
Gurët e çmuar: akuamarin, terkuizi, korali, kristali.
Parfumet, aromat: fllad marine, ylang, santali, bliri
Bimët, pemet shelbu, fikku, vidhi, panja, bozhine
Ditët me fat e enjte dhe e premte
Ngjyrat e tyre: jeshile, blu, vishnje
Numrat me fat: 12, 6, 11, 14, 9, 3
Numri planetar 4
Lulet: zambaku i ujit, manushaqja
Kafshët mjelma, pinguini, gata
Stili Shumë origjinal klasik, jo vulgar që bie pak në sy.

$ads={2}